Петер Сијарто, поранешниот унгарски министер за надворешни работи и еден од најблиските луѓе на Виктор Орбан, проговори по неделици молк. Три часа одговараше на прашања на порталот Телекс – истиот тој портал кому никогаш не дал интервју додека беше на власт.

По изборниот пораз на Орбановата партија, Сијарто едноставно исчезна од јавноста. Претходно излегоа снимки дека редовно го информирал рускиот министер Сергеј Лавров за текот на преговорите во ЕУ. Сега конечно зборува – но дали кажува нешто?

Виновен е Зеленски, Брисел и „воениот менталитет”

Поразот? Тоа е „сериозно надворешно мешање”. Зеленски, украинската влада и институциите во Брисел сакале да го соборат Орбан. „Странски актери интервенираа на груб начин”, тврди Сијарто. Значи, Унгарците не гласале против Орбан – туку Украина ги натерала?

Русија, енергија и територии

Сијарто ги правда врските со Москва со „прагматични енергетски договори”. Потоа оди чекор подалеку – сугерира дека украинските територии населени со Унгарци биле поштедени од руско бомбардирање благодарение на добрите односи. Ако ова е вистина, тоа е трговија со животи. Ако не е – тоа е манипулација со страв.

За корупцијата? Не знае ништо. За субвенцијата од 280 милиони форинти за неговиот најблизок соработник? Не знае. За милијардерот Мешарош и неговото брзо богатење? Исто не знае. Петер Сијарто знае многу работи – само не оние за кои се прашува.