Hetimi për importin dhe përdorimin ilegal të botoksit, i njohur në publik si "rasti me botoksin", po zgjerohet gjithnjë e më shumë - dhe tani në të përfshihen edhe mjekë. Janë ndaluar edhe dy mjekë të tjerë dhe një person tjetër, ndërsa kontrollet u kryen në pesë lokacione në Shkup, mes tyre edhe institucione shëndetësore.

Bëhet fjalë për import, shpërndarje dhe përdorim ilegal të preparateve dhe pajisjeve mjekësore. Me urdhra gjyqësorë, prokuroria i zgjeroi masat mbi të dyshuar të rinj, dhe mes tyre janë edhe persona me licencë mjekësore - gjë që historinë e bën më serioze se një kontrabandë e zakonshme. Kur në lëkurën e pacientëve përfundojnë preparate që kaluan përmes një kanali ilegal, rreziku nuk është abstrakt, por i mirëfilltë.

Pyetja që ia vlen të shtrohet është si arrin fare botoksi ilegal te ordinancat me nënshkrimin e një mjeku. Industria e trajtimeve estetike lulëzon, kërkesa është e madhe, dhe aty ku ka para të shpejta, kontrolli shpesh mbetet prapa. Të dyshuarit janë ndaluar, por testi i vërtetë do të jetë nëse përgjegjësia do të arrijë te të gjithë në zinxhir - apo vetëm te hallkat më të vogla.