Земјотрес ја погоди Црна Гора – потресот почувствуван и во Босна и Херцеговина

Утринава во 8:59 часот, територијата на Црна Гора беше погодена од земјотрес со јачина од 3,6 степени според Рихтеровата скала, соопштија сеизмолошките служби.

Епицентарот на потресот се наоѓал во областа кај градот Плевља, на приближна длабочина од седум километри под површината на земјата.

Според првичните информации, земјотресот бил почувствуван во повеќе делови на северна Црна Гора, но и во соседните подрачја на Босна и Херцеговина, меѓу кои Сараево и Фоча.

Граѓаните на социјалните мрежи споделија дека „земјата се затресе накратко“, но дека немало паника. Засега нема информации за повредени лица или материјална штета.

Сеизмолозите појаснуваат дека земјотресите со ваква јачина се вообичаени за регионот, бидејќи подрачјето на Балканот спаѓа во сеизмички активна зона, но најчесто не предизвикуваат сериозни последици.