Ukraina u bë poligon global për testimin e teknologjisë më të re ushtarake, ndërsa mes sistemeve që po vlerësohen në terren tani janë edhe robotët humanoidë.

Kompania amerikane Foundation dërgoi dy robotë Fantom MK-1 në Ukrainë në shkurt për të vlerësuar performancën e tyre në kushte reale lufte. Robotët janë të ndërtuar nga çeliku i zi me formë humanoide të trupit dhe vizore të errësuara në vend të syve.

Gjatë demonstrimeve, robotët trajtuan me sukses sisteme të ndryshme armësh, përfshirë revolvera, pistoleta, pushkë gjuetie dhe pushkë automatike M-16.

Ky është roboti i parë humanoid i konstruktuar posaçërisht për qëllime ushtarake. Kompania tashmë ka nënshkruar kontrata me vlerë prej 24 milionë dollarësh me ushtrinë amerikane, marinën dhe forcat ajrore.

Bashkëthemeluesi i kompanisë Mike Leblan theksoi se këta robotë mund të funksionojnë pa lodhje apo frikë në kushte ekstreme, duke sugjeruar se një ditë ata mund t'i zëvendësojnë plotësisht ushtarët në fushëbetejë.