Podkasti Historycast del para publikut në Akademija 28 në Beograd më 7 tetor nga ora 19:30. Tema është „Beogradi: nga kasabaja te metropoli“ dhe me të hapet edicioni i parë i serisë „Nedeljom lajv“.

Pyetja është e thjeshtë, përgjigjja jo: si u bë kasabaja kufitare me rrugë të ngushta e të shtrembra dhe shtëpi orientale kryeqytet modern evropian me sheshe të rregulluara, pallate përfaqësuese dhe lagje të reja qytetare? Biseda e ndjek shndërrimin e Beogradit gjatë shekullit 19 dhe fillimit të shekullit 20.

Me publikun bisedojnë historianët e artit Jovana Milovanović dhe Nikola Piperski. Nuk do të flitet vetëm për urbanizëm dhe arkitekturë, por edhe për njerëzit, idetë dhe ndryshimet në jetën e përditshme, sepse metropoli nuk lindi vetëm me ndërtesa të reja, por edhe me mënyrë të re jetese. Për një lexues nga Shkupi historia tingëllon e njohur - edhe aty kasabaja dhe qyteti evropian prej dekadash garojnë për të njëjtën hapësirë.

Biletat janë 1.300 dinarë përmes tickets.rs. Historycast ka edhe një mbrëmje të dytë në Beograd më 2 nëntor në mts dvorana, me temën e historisë së serbëve dhe kroatëve.