Kuvendi nesër duhet të votojë për propozimin që Nenad Saveski të zgjidhet si prokuror i ri shtetëror publik. Për zgjedhjen nevojiten së paku 61 vota deputetësh.

Saveski, i cili aktualisht është gjyqtar në Gjykatën Themelore Penale në Shkup, u nominua nga Qeveria më 10 mars. I lindur në vitin 1976, jeton në Gostivar dhe është magjistër i shkencave juridike me fokus në të drejtën penale nga Fakulteti Juridik "Justiniani i Parë" pranë UKIM-it.

Që nga viti 2016 punon si gjyqtar në Departamentin për Krimin e Organizuar dhe Korrupsionin. Paraprakisht ishte prokuror publik nga 2009 deri në 2016, ndërsa bashkëpunëtor juridik në Gostivar nga 2004 deri në 2009.

Këshilli i prokurorëve publikë dha mendim pozitiv për katër kandidatë: Anita Topollova-Isajllovska, Lençe Ristovska, Saveski dhe Lidija Rajçeviq. Vladimir Pançevski u vlerësua si i papërshtatshëm për shkak të përvojës së pamjaftueshme të punës.

Kandidatura e Saveskit pason pas dorëheqjes së prokurorit të mëparshëm Ljupço Koçevski në dhjetor. Prokuroreja ushtrues e detyrës Topollova-Isajllovska nuk mund të qëndrojë në pozitë më gjatë se gjashtë muaj.