Tradita pacifiste japoneze po fillon të lëshojë - dhe Ukraina tashmë ëndërron për armë me shenjën "Made in Japan". Lehtësimi i rregullave për eksportin e armëve që solli kryeministrja japoneze Sanae Takaiçi po hap rrugë për biseda që do të ishin të paimagjinueshme para disa vitesh.

Ambasadori ukrainas në Tokio Jurij Lutovinov i tha Rojtersit: "Kjo na lejon të flasim. Teorikisht, është hap i rëndësishëm përpara". Po flet për teori. Në praktikë, Japonia ende ka kufizime eksporti për zona në konflikt, por tani ka përjashtime që sjellin përfitim strategjik për Tokion. Ato përjashtime mund të hapin rrugën deri te Kievi.

Pse Japonia tani? Sepse Tajvani është 110 kilometra nga territori japonez. Ish-kryeministri Fumio Kishida në vitin 2022 tha fjalinë që sot e citon çdo strateg japonez: "Ukraina sot mund të jetë Azia Lindore nesër". Që nga ajo fjali, Japonia miratoi rritjen më të madhe të investimeve mbrojtëse që nga Lufta e Dytë Botërore.

Ukraina dëshiron sisteme japoneze të mbrojtjes ajrore - për të zvogëluar varësinë nga raketat amerikane Patriot. Uashingtoni nuk i furnizon me të njëjtin ritëm. Ishin fytyrë e ngrirë për Kievin dimrin e kaluar. Alternativat kërkohen ku ka - dhe Japonia tani po shfaqet si partner i mundshëm.

Për elektronikën dhe mikrokomponentët për dronët ukrainas, Japonia mund të jetë lojtar kyç. Kievi sot prodhon dronë në dhjetëra mijëra në muaj. Mikroçipa, sensorë, sisteme optike - e gjithë kjo mund të vijë nga Tokio në vend të Silicon Valley.

Kjo është ndryshim i strukturës ekologjike të diplomacisë. Kur Japonia transformon idenë pacifiste që ka pasur me dekada, kjo dërgon mesazh në Moskë, në Pekin dhe në Bruksel. Ballkani këtë duhet ta shikojë si studim rast: kur lojtarët e vegjël kthehen në lojtarë të mëdhenj, askush tjetër nuk është më "fqinj i padëmshëm".