Холандскиот виолинист и диригент Андре Ријо ќе настапи со Johann Strauss Orchestra во Белградска Арена на 19 ноември. Ријо е најкомерцијално успешниот класичен музичар во светот, со повеќе од 40 милиони продадени плочи.

Познат како „Кралот на валцерот”, Андре Ријо ги претвора класичните концерти во спектакуларни шоу-настани со валцери, оперски арии, филмска музика и популарни мелодии. Неговиот Johann Strauss Orchestra е најголемиот приватен оркестар во светот со 60 музичари.

Концертот во Белградска Арена ветува три часа музика, хумор и емоција. Ријо е познат по интеракцијата со публиката, а неговите концерти привлекуваат луѓе од сите возрасти. Сценографијата вклучува декор инспириран од виенските балови.

Настанот е закажан за 19:30 часот. Цената на билетите започнува од 5.500 РСД (околу 2.895 МКД). Билети се достапни преку tickets.rs.