Во последните пет години главна порака на накит-индустријата беше тивка – златни и сребрени синџирчиња, минималистички прстени, нула драма. Скандинавскиот стил, „cuiet luxury”, и иконите како Каролин Бесет-Кенеди ја одредуваа атмосферата. За пролет-лето 2026 та глава е напишана. Накитот повторно вика, и викот доаѓа во форма на дебели, шарени бранголе од смола и пластика.

Терминот chunky bracelets се преведува лошо на македонски – „масивни” звучи тешко, „дебели” звучи селско. Но идејата е јасна: бранголе кои се гледаат од далечина, во цветни, мермерни, тубикасти или провидни нијанси, носени по две, три, четири на иста рака. Никаква дискреција. Никакво потценување.

Зошто токму сега? Стилисти велат – после долга доминација на минимализмот, индустријата има потреба од нов производ да продаде. Но има и подлабока линија. Носталгија. Овие пластични бранголе во силни бои се истите што ги носевме како деца во 90-тите – евтини, експресивни, без претензии. Возрасните дами на 35 и 40 сега ги препознаваат како дел од нивното детство, и индустријата тоа го знае. Кога стилистите велат „вратете ја радоста”, всушност велат „купете го истото што го имавте на 12 години, само сега со моден ценовник”.

За балканската жена ова треба да биде нагодност. Овие бранголе се идеални за топла клима – летна тераса, плажа, кафе на сонце – и не бараат „целосна тоалета” за да изгледаат природно. Носат се со едноставна бела маичка и фармерки, и веднаш претвораат секојдневен изглед во нешто намерно.

Принципот стекинг (носење повеќе бранголе на иста рака) е она што го прави трендот функционален. Една пластична нараквица изгледа како остаток од детство. Четири или пет различни нијанси, дебелина и материјали – и веќе е стилска изјава. Мешање на провидни со опачни, шарени со нула, мермерни ефекти со мат – експериментирањето е целата поента.

Цените на големите шпански брендови се движат од околу 17,95 евра до 59 евра по парче. На балканските пазари (Зара, H&M, домашни мали брендови) има и поевтини алтернативи, и тоа е во духот на трендот – не е оние накитни објекти што се чуваат во кутија, туку онезе што може да ги изгубиш на плажа без катастрофа. Тоа е, можеби, најдобриот аргумент за нив. Накит без страв.

Контратежа на тренот доаѓа од quiet luxury кампот – конзервативен, кој продолжува да продава дискретен накит како „вечен”. Тоа е лажна дилема. Ништо не пречи во гардеробата да имаш и едно тенко златно синџирче, и кутија со 15 пластични бранголе. Различни ситуации, различни пораки. Поентата е дека пролет-лето 2026 повторно отвара простор за играње – и на Балканот таа порака се прима лесно. Кај нас бабите носеа големи бранголе со природна сигурност. Само треба да се потсетиме дека тоа никогаш не било погрешно.