Жозе Мурињо, новиот тренер на Реал Мадрид, го гледал финалето на ДФБ-Купот во Германија помеѓу Бајерн и Штутгарт – и сите знаат зошто. Не дојде како турист. Дојде да го гледа Мишел Олизе.

Реал Мадрид отчајно бара десно крило од светска класа. Олизе, францускиот плејмејкер на Бајерн, е на врвот на нивниот список. Двете сезони во Минхен му донесоа 96 гол-придонеси во 107 настапи – бројка која во редот на врвните крила во Европа звучи речиси неверојатно.

Но Бајерн не сака да слуша. Почесниот претседател Ули Хунес излезе со јасна и помалку дипломатска порака: „Може да фрла очи и пет пати на Олизе, нема да го добие. Тој останува непродажен. Се надевам дека нема да го сретнам (Мурињо), бидејќи можеше да си го заштеди патувањето од Мадрид.”

Класичен Хунес. Германецот никогаш не бил човек кој зборува со заобиколни конструкции, и Бајерн неговото мислење го носи како втор грб. Прашањето е дали Реал ќе се откаже, или ова е почеток на сага која ќе се влече цело лето – како што се влечеа Мбапе, како што се влечеше Беинар.

Во меѓувреме, Мурињо има домашно решение – Ендрик. Бразилецот не е традиционално крило, но е напаѓач кој природно се поместува во десната половина. Голмајсторство, експлозивност, можност да гради навлегувања – сè што Реал бара на тоа крило, го има веќе во составот. Прашањето е дали Мурињо ќе се откаже од големиот трансфер и ќе го отвори решението однатре.