Премиерот на Унгарија, Виктор Орбан, изјави дека Европската унија е на прагот на колапс поради својата неспособност да се промени, споредувајќи ја со Римското царство.

Во обраќање пред унгарскиот парламент, Орбан истакна дека Будимпешта чувствува сила и потенцијал за побрз развој, додека Унијата, според него, нема капацитет за обнова.

„Ако ЕУ итно не направи остари промени, нејзината историја ќе заврши“, порача Орбан.

Тој нагласи дека не очекува драматичен распад, туку постепено слабеење, бидејќи сè повеќе членки престануваат да ги почитуваат инструкциите на Брисел – како што Римското царство долго време верувало дека постои, иако веќе одамна било исчезнато.

Орбан додаде дека развојот на Унгарија може да парира на САД и Азија, а не на ЕУ, која ја спореди со „лоша GPS-навигација“ – постојано менува планови и никогаш не стигнува до целта, што се гледа преку санкциите, мигрантската политика и еколошката транзиција.

 Што мислите – дали ЕУ навистина е пред колапс или Орбан претерува?