Стокхолм повторно произведе стартап што го привлекува вниманието на најголемите американски инвеститори – но овој пат не се работи за тротинети, туку за вештачка интелигенција за корпорации. Pit, новиот проект на основачите на Voi, собра 16 милиони долари (околу 14,7 милиони евра) во почетен круг на финансирање, со Andreessen Horowitz на чело на инвеститорите.

Pit се позиционира како „AI продуктен тим како услуга” за бизнис автоматизација. Идејата е едноставна: наместо корпорациите да ангажираат сопствени тимови на инженери и податочни научници, Pit ја превзема таа улога однадвор и испорачува решенија за back-office процеси. Првите тестови почнаа во средината на јануари со клиенти од телекомуникациите, здравството и логистиката.

Зад проектот стои познат шведски тим. Главниот извршен директор е Адам Џафер, додека меѓу косоосновачите се Фредрик Хјелм (тогашен CEO на Voi), Филип Линдвал (основачки инженер) и неколку поранешни членови на Voi. Вклучен е и Андреас Хјелм, братот на Фредрик. Покрај Andreessen Horowitz, во круговите на инвеститори се Lakestar, директори од американски tech компании и нордиски богати фамилии.

Производот има две главни компоненти: Pit Studio – алатка за процесно водство, и Pit Cloud – инфраструктура за корпоративна испорака на софтвер. Но клучна е реториката што ја употребува Џафер: компанијата нагласува „суверена технологија”, што значи европски модели на европска инфраструктура. „EU модели кои работат на EU compute е меѓу најважните прашања за речиси секој CIO”, изјави Џафер.

Тоа не е случајно. Во година во која OpenAI, Anthropic и кинеските AI лаборатории доминираат, европските корпорации сè повеќе се загрижени за зависноста од американски и кинески инфраструктури. Секој европски стартап што може кредибилно да понуди алтернатива – има терен. Pit го чита тоа и реагира.

Џафер посебно напомена дека целта не е намалување на работни места, туку „преместување на луѓето нагоре во вредносниот ланец, за да работат повеќе значајни работи”. Превод: автоматизирајте го досадниот дел, искористете ги вработените за тоа што алгоритмите не можат. Тоа е стандардна реторика за AI стартапи, но кога зад неа стојат луѓе кои веќе изградиле еднорог (Voi на врвот достигна валуација над една милијарда евра), а не само промотори со PowerPoint – заслужува да се слуша.

За Балканот ова е уште еден сигнал каде оди европскиот tech капитал. Скандинавија има екосистем кој повторно и повторно генерира успешни компании. Балканските стартапи кои сакаат сериозно финансирање треба да се прашаат: ќе ги најдат сличните инвеститори тука, или повторно ќе мораат да патуваат за да ги добијат?