Франција, Италија и Полска одбија да ги поддржат американските воени операции на Блискиот Исток, предизвикувајќи остра реакција од претседателот Трамп кој ги нарече европските сојузници „кукавици”.

Полска одби да испрати ракетни системи Патриот на Блискиот Исток, Франција забрани прелетување на нејзиниот воздушен простор за американски воени авиони, а Италија не дозволи слетување на американски бомбардери во воздухопловната база на Сицилија.

„Без САД, НАТО е хартиен тигар! Тие одбија да учествуваат во запирање на Иран со нуклеарно оружје. Сега се жалат на високите цени на нафтата, но нема да помогнат да се отвори Хормуз”, напиша Трамп на Трут Сошал.

Претседателот ги повика европските земји самостојно да го преземат контролот над Хормушкиот Теснец, истакнувајќи дека Иран е „суштински уништен” и дека „најтешкиот дел е завршен”. Неколку европски земји, меѓу кои и Шпанија, веќе го затворија своето воздушно пространство за американски воени летови.