Маж со автомобил влетал во толпа луѓе за време на фестивал во градот Њу Иберија, американската држава Луизијана, при што најмалку 15 лица се повредени, некои и критично.

Инцидентот се случил за време на парада, кога возилото со голема брзина се забило во присутните. Возачот бил идентификуван како маж во алкохолизирана состојба.

Властите соопштија дека станува збор за несреќа предизвикана од пијан возач, а не за намерен напад. Возачот е обвинет за управување возило под дејство на алкохол.

Повредените се транспортирани во локалните болници, при што некои од нив имаат тешки повреди. Истрагата е во тек.