Доналд Трамп очекува „наскоро бомбардирање на Иран” и отворено порача дека прозорецот за преговори се затвора. Теханр сè уште не потврдил дали ќе испрати делегација во Исламабад, а секој изминат час ја зголемува веројатноста за воена ескалација.

Трамп беше карактеристично директен во изјавата за ЦНБЦ: „Целосно го контролираме Хормушкиот Теснец. Блокадата беше огромен успех. Сме во многу силна преговарачка позиција.” Потоа додаде: „Ќе направиме одличен договор. Најголем договор досега. Иран нема друг избор освен да испрати делегација во Исламабад.”

Дипломатија со пиштол на масата

Во истата изјава, Трамп ја ескалираше реториката до воена закана: „Очекувам бомбардирање на Иран наскоро,” и додаде дека САД се „целосно подготвени за комплетна воена акција.” Ова не е дипломатија – ова е ултиматум со рок на траење.

Од иранска страна, ситуацијата е поделена. Дел од иранските медиуми тврдат дека ајатолахот Моџтаба Хаменеи одобрил испраќање делегација, со тим од американска страна кој евентуално би го вклучувал Џеј Ди Венс, Џаред Кушнер и Стив Виткоф. Но други извори укажуваат дека Техеран размислува да испрати пониско рангирана делегација – знак на домашен скептицизам дека преговарањето по блокадата и заземањето на танкери би значело капитулација.

Балканот ова го гледа со посебно внимание. Хормушкиот Теснец е артерија низ која тече огромен дел од светската нафта. Ако таму пукне, цените на енергија растат насекаде – вклучително и кај нас. Дали ќе биде бомба или договор, последиците ќе ги почувствуваме сите.