Çarshia e Vjetër në Shkup më në fund merr rindërtim — pas më shumë se 50 vjetësh pa ndërhyrje serioze. Komuna Çair nis projekt me vlerë 470.000 euro që do të mbulojë 1.567 metra katrore: kalldrëm i ri nga guri travertin, modernizim i infrastrukturës nëntokësore dhe ndriçim në stil tradicional.

Kryetari Mexhiti njoftoi "transformim të vërtetë" — ujësjellës, kanalizim, rrjet elektrik dhe optik, të gjitha shkojnë nën tokë ndërkohë që sipër ruhet pamja autentike. Në letër, projekti tingëllon solid: ruajtja e identitetit historik me funksionalitet modern.

Mbetet të shihet nëse 470.000 euro do të arrijnë te kalldrëmi apo do të humbasin rrugës. Tradita ballkanike e rindërtimeve është e njohur — premtime të mermerit, rezultate të kartonit. Por nëse kësaj radhe vërtet përfundon si duhet, Çarshia e Vjetër mund të marrë pamje të denjë për historinë që bart mbi shpinë.