Në kuadër të projektit ndërkufitar IPA „Hapësirë e gjelbër urbane dhe kopësht urban në Kumanovë" sipas programit Interreg (VI-A) Bullgari-Maqedoni, Kumanova merr infrastrukturë të rëndësishme të gjelbër me qëllim zvogëlimin e ndotjes së ajrit.

Në shkollën e mesme „Pero Nakov" tashmë janë vendosur pergola, kandelabra dekorativë, stola, kosha mbeturinash dhe shtigje për këmbësorë. Në lagjen „Revolucioni i Tetorit" janë mbjellë 220 drurë me lartësi mbi dy metra, ndërsa në „MUB e Tretë" edhe 130 të tjerë. Në oborret e shkollës ekonomike dhe teknike janë mbjellë fidanë të reja, ndërsa pranë sallës sportive janë vendosur kanale drenazhimi.

Projekti parashikon ndërtimin e „kopshteve të shiut" — sisteme të qëndrueshme drenazhimi që përmirësojnë menaxhimin e ujërave atmosferikë dhe zvogëlojnë rreziqet nga përmbytjet lokale. Përveç kësaj, janë mbjellë 740 lule dekorative, ndërsa në sheshin „Mareshal Tito" planifikohet një barrierë e gjelbër për zvogëlimin e pluhurit të trafikut.

Punimet do të vazhdojnë në bulevardin „3 MUB", sheshin „Mareshal Tito" dhe pranë institucionit „Prof. Mijalkoviq", ndërsa kopshte të vogla urbane janë planifikuar edhe në tre rrethrotullime. Afati për përfundimin e të gjithë projektit është fundi i vitit 2026.