Në vitin 2024, në Bashkimin Europian lindi 3,55 milionë fëmijë — rënie prej 3,3 për qind krahasuar me 2023. Shkalla e fertilitetit në BE qëndron në 1,34 fëmijë për grua, nga 1,38 e vitit të mëparshëm. Të dyja shifrat janë shumë nën 2,1 fëmijët për grua që nevojiten për riprodhim natyror të popullsisë.

Maqedonia e Veriut, me shkallë fertiliteti 1,44, qëndron disi më mirë se mesatarja e BE-së, por gjithashtu nën pragun e riprodhimit natyror. Gjatë dekadës së fundit, shkalla e vendit ka rënë nga 1,52, dhe numri i të porsalindurve ka rënë nga 44.095 në 1960 në vetëm 16.061 në 2024.

Shkallët e fertilitetit ndryshojnë ndjeshëm mes shteteve anëtare. Malta regjistron shkallën më të ulët në BE — vetëm 1,01 fëmijë për grua — ndërsa Bullgaria kryeson me 1,72. Spanja dhe Lituania regjistrojnë gjithashtu shkallë shumë të ulëta prej 1,10 dhe 1,11 përkatësisht.

Mosha mesatare për lindjen e parë në BE arriti 29,9 vjet në 2024, krahasuar me 25 vjet në 2004. Gratë maqedonase lindin fëmijën e parë mesatarisht në moshën 27,8 vjeç. Trendi demografik paraqet sfidë serioze për sistemet sociale në të gjithë kontinentin.