Presidenti amerikan Donald Trump deklaroi se lufta ndërmjet Shteteve të Bashkuara dhe Iranit mund të mbarojë së shpejti, pasi shumë nga objektivat e planifikuara janë shkatërruar tashmë. "Kur të dua të mbarojë, do të mbarojë", tha Trumpi në një intervistë telefonike.

"Lufta po shkon shumë mirë. Jemi shumë para orarit. Kemi shkaktuar dëme shumë më të mëdha se sa menduam se ishte e mundur", transmeton fjalët e presidentit amerikan.

Megjithatë, zyrtarë amerikanë dhe izraelitë tregojnë se brendësisht ende nuk është marrë vendim se kur mund të ndalen luftimet. Ministri i Mbrojtjes izraelit Israel Katz deklaroi se lufta do të vazhdojë derisa të arrihen të gjitha objektivat ushtarake.

Shtetet e Bashkuara dhe Izraeli nisën sulmet ndaj Iranit më 28 shkurt, duke cituar dështimin e negociatave bërthamore si justifikim për operacionin parandalues. Ndërkohë, Irani ka vendosur mina në Ngushticën e Hormuzit, dhe forcat amerikane kanë shkatërruar 16 anije iraniane të përfshira në atë aktivitet.