Барселона го бара наследникот на Роберт Левандовски – и првото име на списокот, ако треба да се верува на пишувањата од Англија, е деветнаесетгодишниот Ели Крупи од Борнмут. Францускиот млад репрезентативец постигна 12 голови во дебитантската сезона во Премиер лигата, доволно за да го привлече вниманието и на Манчестер Јунајтед, Манчестер Сити и Арсенал.

Договорот на Левандовски истекува ова лето, а Полјакот веќе одамна не е истиот штрумфер кој беше во Бајерн. Барса има две опции – да оди на сигурно со Хулијан Алварез од Атлетико Мадрид, или да ризикува со младо лице од листата на следните Холандија-Франција таленти. Алварез е скап. Многу скап. Затоа Крупи се проби како „пристапна алтернатива”.

Прашањето е дали Крупи воопшто е спремен за тоа. Една сезона од 12 голови во Премиер лигата е импресивна за младо момче, но не е досие на стрелец што треба да ги полни мрежите на Камп Ноу секоја сабота. Левандовски беше десет години машина за голови. Од Крупи се бара да го наследи тоа со една сезона зад себе.

Борнмут пак не сака да го пушти. И тоа има логика – на 19 години, играч со таков потенцијал во клуб што му дава минутажа и доверба ќе порасне побрзо отколку да биде закопан како резервна опција во шпанскиот гигант. Сите го знаат тоа сценарио: млад играч се продава за големи пари, седи на клупа, му паѓа самодовербата, после две години го испраќаат на позајмица.

Ако Барса навистина сака следен Левандовски, можеби треба да гледа подалеку од една статистика. Или едноставно – да го задржи Полјакот уште една сезона.