Лос Анџелес Лејкерс ќе ја почнат серијата против бранителот на титулата, Оклахома Сити Тандер, без својот најголем играч. Лука Дончиќ е официјално вон состав за првиот меч од полуфиналето на западната конференција поради повреда на тетивата.

Словенецот ја влече истата повреда веќе повеќе од месец дена – истата што ја здоби во Оклахома. Гради 2 расцеп на левата задна тетива не е работа што се „брзо лекува”, без оглед на тоа колку специјалисти ангажирал. Дончиќ помина и низ европски третман, се врати на тимот, но реална новост за враќањето на терен сè уште нема.

Без него, Лејкерс совладаа Хјустон Рокетс со 4:2 во првото коло. Тоа беше еден вид мали чудо – тимот без неговиот франшизен плејмејкер успеа да ја преброди првата препрека. Сега доаѓа Тандер, фаворитот за титула, и оваа екипа без Дончиќ не делува како некој што може да ги изненади.

Прашањето е едноставно: ако не сега, кога? Полуфинале на Запад, серија против бранителот на трофејот, и најдобриот играч на Лејкерс гледа од клупа. Лекарите имаат тешка одлука – да го жртвуваат остатокот од оваа сезона за да се обезбеди кариерата, или да го пуштат на терен пред да биде сосема готов и да го изгубат за подолго.

Засега – нема одговор. Нема и датум. Само повторување на истата фраза: „состојбата се проценува секој ден”. Што во НБА јазикот значи: не очекувајте го наскоро.