Реал Мадрид се распаѓа однатре. Според „Марка”, Федерико Валверде и Орелијан Чуамени имале жесток инцидент на тренинг кој морал да биде физички разделен од соиграчите.

Се почнало со остар дуел во една серија интензивни вежби, продолжило со зборови, а потоа со туркање. Соиграчите и стручниот штаб морале да интервенираат за да не дојде до тепачка. Расправијата продолжила и во соблекувалната – знак дека ова не е тренинг-прашање, туку симптом на нешто многу подлабоко.

Соблекувалната во Мадрид е поделена на групи кои едвај зборуваат меѓу себе. Сезоната која започна ветувачки заврши без ниту еден трофеј, а уморот, притисокот и фрустрацијата сега излегуваат низ најмалата ситница. Внатрешните тензии се прошириле и кај тренерскиот штаб.

Овој инцидент не е изолиран. Пред неколку дена Антонио Ридигер и новата заштита Алваро Карерас исто така имале расправија, која јавно ја минимизираа како „безначајна”. Колку пати се повторува „безначајна” пред тоа да биде значајна?

Тука е и Кiлијан Мбапе – факторот кој никому не му помага. Се пишува дека е незадоволен и капризен, се уште навреден на отказот на Шаби Алонсо. Незадоволен од соиграчите. Незадоволен од медицинскиот штаб. Незадоволен од тоа што му беше одобрена пауза. А неговите соиграчи незадоволни од него: ниската одбранбена ангажираност му ја не им се допаѓа, ниту паузата што ја зеде.

Сѐ ова паѓа на главата на тренерот Алваро Арбелоа, а во недела ги чека Ел Класико против Барселона. Каталонците им треба само еден поен за да ја обезбедат титулата. Пораз ќе ја круниса најлошата сезона на Реал во последната деценија.

Кога една екипа се распаѓа однатре, секој дуел на тренинг станува извештај за „Марка”. Прашањето не е дали ќе има уште инциденти – туку колку време Арбелоа ќе остане на клупата за да ги решава.