Градоначалникот на Пробиштип, Тони Тоневски, го одбележа Духовден во манастирот во Костомар, заедно со бројни верници кои присуствуваа на светата литургија. Празникот, кој се слави педесет дена по Велигден и го означува слегувањето на Светиот Дух, е еден од најзначајните во православниот календар.

„Верата и традицијата се темелите што нè обединуваат”, порача Тоневски, упатувајќи им на граѓаните пожелби за „мир, здравје, љубов и просперитет во секој дом”. Тој ги повика граѓаните да ги негуваат верата и традицијата како столбови на општеството.

Ваквите празнични обраќања се дел од секојдневието на локалната власт – и тоа е во ред. Во заедница како Пробиштип, каде традицијата е жива нишка низ генерации, присуството на градоначалникот на манастирска слава не е само церемонија, туку и потврда дека локалната власт е дел од животот на луѓето, не само од нивните даноци. Прашањето, како и со секоја празнична порака, е дали топлите зборови траат и по празникот.