Прекини во преносот на финалето на Светското првенство на TV Arena Premium

Голем број гледачи вечерва се соочија со технички проблеми при следењето на преносот на финалниот натпревар од Светското првенство на TV Arena Premium. За време на натпреварот, сигналот повеќепати се прекинуваше.

Поради честите прекини, дел од гледачите не беа во можност непречено да го следат натпреварот, што предизвика бројни реакции и незадоволство на социјалните мрежи.

На видеото од местото на настанот се гледа пораката за прекин на сигналот, додека присутните го очекуваат враќањето на преносот.

Во моментот нема официјално соопштение од TV Arena Premium за причините за техничките проблеми и кога сигналот целосно ќе биде стабилизиран.