Гоблини, Факофболан и Лош примјер во Винтиџ Индастриал во Загреб на 16 октомври – 16. меморијален концерт за Туна од Микрофонија

Загрепскиот клуб Винтиџ Индастриал на 16 октомври во 21 час е домаќин на 16. издание на „Свога тијела господар“ – меморијалниот концерт за Антун Крајиновиќ Туна (1978-2009), пејач, гитарист и главен автор на култниот загрепски панк-бенд Микрофонија. Годинашната постава: Гоблини, Факофболан, ОСА (Ван Степ Евеј), Лош примјер и Титос Бојс.

Туна почина во 2009 година, на 31 година. Концертот почнал како собир на пријатели, а прерасна во една од најдолговечните традиции на домашната панк-сцена. Низ него поминале Атеист Реп, Паси, Дебели прецједник, ФНЦ Диверзант, Машинко, Гужва у 16-ерцу и десетици други. Ретко која сцена умее вака да ги чува своите мртви – без венци и говори, само со бендови и публика.

Најголемо име годинава се Гоблини од Шабац. Бендот е основан во март 1992 година, а гитаристот Ален Јовановиќ и Владислав Кокотовиќ, кои живееле во Карловац, до 1991 свиреле во бендот Лорелеи. Последниот концерт пред паузата Гоблини го одржаа токму во Загреб во 2001 година, се вратија во 2010 и продолжија со настапи и албуми, меѓу кои „Роба с грешком“ од 2013. Пулскиот Факофболан е еден од најдолговечните претставници на истарскиот панк-рок, со корени во колективот и фестивалот Монте Парадисо, а на меморијалот за Туна свиреше и во 2017 година.

Претпродажните влезници чинат 20 евра (околу 1.230 денари), а повисоката категорија 23 евра (околу 1.420 денари). Се продаваат на entrio.hr, а вратите на Винтиџ Индастриал, на Савска цеста 160, се отвораат во 20 часот.