Американците го отфрлија иранското барање. САД и Иран се согласија да се сретнат во Истанбул во петок, а другите земји од Блискиот Исток да учествуваат како набљудувачи. Сепак, Иранците во вторник побараа разговорите да се преместат во Оман и да се одржат во билатерален формат, со цел да се фокусираат исклучиво на нуклеарните прашања, а не на други теми како што се ракетите, кои се приоритет за САД и земјите во регионот.

Американските претставници го разгледаа барањето за промена на локацијата, но во среда одлучија да го одбијат.

Точка на спор
„Им рековме: или вака или ништо“, а тие одговорија: „Добро, тогаш ништо“, рече висок американски функционер.

Тој додаде дека САД се подготвени да се сретнат оваа или следната недела ако Иранците се вратат во првично договорениот формат.

– Сакаме брзо да постигнеме вистински договор, во спротивно луѓето ќе почнат да разгледуваат други опции – рече функционерот, алудирајќи на повторените закани на Трамп за воена акција.

Мисијата на Иран во Обединетите нации не одговори веднаш на барањето за коментар.