Министерството за одбрана под водство на Хегсет има затегнат однос со медиумите што го следат. Повеќето од водечките медиумски компании ги повлекоа своите новинари од Пентагон, наместо да ги прифатат новите правила на администрацијата на Трамп што го ограничуваат нивното движење и пристап до соговорниците.

Нивните места во Пентагон ги зазедоа новинари од новоформираниот медиумски корпус кои се согласија со правилата и најчесто работат за медиумите наклонети кон претседателот Доналд Трамп.

Пентагон им издава пропусници на новинарите кои ги напуштиле своите работни места за да присуствуваат на брифинзите на Хегсет за војната. Иако Хегсет ретко им дава збор на тие традиционални медиумски новинари, во вторник тој го повика еден од нив, Ерик Шмит од „Њујорк тајмс“.

„Тајмс“ ја тужеше администрацијата на Трамп за да ги оспори правилата на Хегсет, а сослушувањето за тој случај се одржа минатата недела пред федералниот судија Пол Фридман.

„Како што „Тајмс“ долго време тврди, од најголема важност и во јавен интерес е да им се дозволи на новинарите целосно да ја покриваат американската војска“, рече Чарлс Штадтандер, портпарол на весникот. „Тоа ги вклучува и фоторепортерите, кои заслужуваат пристап и акредитации за да присуствуваат на брифинзите во Пентагон.“

Асошиејтед Прес сè уште не коментираше за забраната за пристап на своите фотографи. Хегсет сè уште дозволува видеокамерите да снимаат брифинзи.

Портпаролката на Белата куќа, Каролин Ливит. Во вторник,  рече дека администрацијата нема да дозволи „Тајмс“ да ја „притисне“ во врска со истрагата за бомбардирањето на женско училиште во Иран. Околу 175 луѓе беа убиени во тој напад, вклучувајќи многу ученички.

„Њујорк тајмс“ вчера објави, повикувајќи се на анонимни извори, дека прелиминарните наоди од истрагата укажуваат дека САД се одговорни за бомбардирањето. Според извештајот, војската верува дека се потпирале на застарени разузнавачки податоци при изборот на целта за ракетата „Томахавк“ што се користи во нападот.