Американскиот претседател Доналд Трамп на велигденскиот ручек во Белата куќа јавно го исмеа францускиот претседател Емануел Макрон, изјавувајќи дека тој „сè уште се опоравува од удар во вилицата од неговата сопруга”.

Коментарот очигледно се однесува на вирално видео од минатата година кое прикажува конфронтација меѓу францускиот лидер и неговата сопруга Бриџит за време на официјална посета на Виетнам.

Трамп исто така ги критикуваше НАТО сојузниците, нарекувајќи ја Алијансата „хартиен тигар”. Тој тврдеше дека ги контактирал сојузниците само за да ја набљудува нивната реакција, а не затоа што имал потреба од помош.

„Ние го победивме Иран, а последното нешто што ни требаше е НАТО да ни се меша”, изјави Трамп, додавајќи дека им рекол на Макрон и на британскиот премиер Кир Стармер: „Не, не, не ни треба помош откако војната е добиена”.