Пролетниот детски фестивал „Поточиња” се враќа во Националната опера и балет на 18 и 19 април со богата програма наменета за најмладите и нивните семејства.

Фестивалот нуди повеќе термини дневно за да може секое семејство да си најде свое место. На 18 април претстави има во 11:00, 13:00 и 19:00 часот, а на 19 април дополнително и во 17:00 часот. Билетите важат исклучиво за конкретниот термин, ред и седиште.

Поточиња е еден од ретките фестивали во Скопје кој е целосно посветен на детската публика и секоја пролет привлекува илјадници семејства. Организаторите ветуваат пролет, насмевки и радост во една од најубавите сали во градот.

Билетите чинат 500 денари и се достапни преку karti.com.mk.