Скопје 2028: Европска престолнина на културата или само уште една конференција?

Меѓународна конференција „Скопје – Европска престолнина на културата 2028: Обликување на иднината на Скопје” се одржа во хотелот Александар Палас. На масата седнаа градоначалникот Орце Ѓорѓиевски, европски партнери, универзитети и експерти.

Титулата „Европска престолнина на културата” е огромна можност – градови како Марибор, Риека и Нови Сад ја искористија за трансформација на инфраструктурата и меѓународната видливост. Прашањето е дали Скопје ќе го направи истото или ќе остане на ниво на конференции и најави.

2028 е за две години. Културната инфраструктура не се гради на конференции – се гради на градилишта. Колку од она што се дискутираше во Александар Палас ќе стане реалност?