Тренерот на кошаркарите на Панатинаикос, Ергин Атаман, ја изрази својата желба да соработува со Јанис Адетокумбо.

Тој зборуваше за него и за време на Евробаскетот, иако во овој момент тоа е невозможно, Ергин Атаман јавно го повикува Јанис Адетокумбо во Панатинаикос. И самиот Јанис има истакнато дека има желба да игра во Европа, која, според него, претставува тактичка и цврста кошарка, за разлика од НБА лигата, но сè уште е далеку од настап на европско тло.

„Јанис е мојот омилен играч, најкомплетниот во НБА. Кога го гледате, си велите: ‘Како да се сопре овој човек?’. Може да ја пренесе топката, да трча, да го отвори теренот. Шутира од рекетот, погодува од сите позиции, брани… Играч кој многу го ценам“, започна Атаман со пофалби за Гркот, а потоа додаде:

„Не знам дали околностите некогаш ќе не спојат. Јанис рече дека сака еден ден да игра во Европа. Димитрис Јанакопулос го виде тоа. Тој го сака Јокиќ, но можеби Јанис ќе игра за Панатинаикос во иднина.“