Тамара Тодевска слави 25 години кариера со голем солистички концерт во Арена Борис Трајковски на 3 октомври. Една од најзначајните македонски вокалистки, која ја започна кариерата на шест години, а самостојно дебитираше со „Дали знам” во 2001, ќе ја претстави и новата ера со албумот „Кукла жива” – 11 нови песни изведени со оркестар под диригентство на Емин Џијан.

Тамара е единствениот македонски артист кој достигна топ 10 на Евровизија – со „Proud” во Тел Авив 2019 освои седмо место и прво место од гласовите на меѓународното жири. Тоа е најдобар резултат на Македонија во историјата на натпреварот. Но нејзината приказна со Евровизија е подолга: во 2004 беше придружен вокал на Тоше Проески, во 2008 со „Во име на љубовта” ја претставуваше земјата самостојно, а во 2014 пееше за сестра и Тијана Дапчевиќ.

Концертот на 3 октомври ветува аудиовизуелен спектакл – нови песни од „Кукла жива” комбинирани со најголемите хитови од 25-годишната кариера. За македонската поп-музика, ова е еден од најважните концерти на годинава.

Билетите започнуваат од 800 денари и се достапни преку wayin.mk.