Серијата меѓу Валенсија и Панатинаикос во плеј-офот на Евролигата има шанса да биде запишана како најдобрата во историјата на натпреварот. Просечна разлика на победите од еден поен по натпревар, неверојатни перформанси и две неочекувани сценарија пред играта пет.

Пред почетокот на серијата, малкумина прогнозираа драма. Панатинаикос со најскапиот ростер во Евролигата против Валенсија која едвај се протна. На хартија – класика. На паркет – 352:348 сумарно во полза на Шпанците по четири натпревари, со „најмалку конкурентниот” дуел во Атина кој завршил 91:87. Тоа на јазикот на евролигашката статистика значи едно – ова веќе не е серија, ова е документарец што се одвива пред нашите очи.

Сценарио прво: Валенсија може да стане вториот тим во историјата на Евролигата кој се враќа од 0:2. Првите беа Реал Мадрид во легендарната серија против Партизан во 2023. Бракстон Кеј, крилниот играч на Шпанците, признал дека ја гуглал серијата. „Видов дека и Натпреварот 2 заврши со тепачка, како и нашиот. Се надевам дека историјата ќе се повтори”, изјави по победата во четвртата.

Сценарио второ: ако Панатинаикос победи во играта пет во Атина, ќе биде првиот тим во историјата на Евролигата со победи на гостински терен во секој натпревар од плеј-оф серија. Партизан-Реал во 2023 беше блиску до тоа, но домаќинот победи во петтата.

А во средината на сето тоа стои Жан Монтеро – 22-годишниот плеј на Валенсија кој од дебитантска сезона се претвори во главна ѕвезда на серијата. Просеци: 20.3 поени, 4.0 скокови, 6.5 асистенции, 27.5 PIR. Во четвртата игра имаше 29 поени, 7 скокови, 7 асистенции и 3 украдени топки, со индекс од 45 PIR – најефикасниот настап во плеј-оф историјата на Евролигата откако форматот е воведен во сезоната 2004-05.

Како следат настаните не знае никој. Двете екипи од терен веќе доаѓаат со остри лакти – игра пет ќе биде во Атина, во Олимписки, со публика што нема милост за гости. Балканската публика гледа балкански кошаркарски карактер – ниедна страна не сака да попушти. Историјата чека да се запише, а никој не сака да биде на погрешната страна на тастатурата.