Viktor Mitrovikj и Bazhe Kolev, сопствениците на Aura Dominion Records, официјално најавуваат врвен електронски настан кој ќе донесе свежина на домашната сцена со комбинација од техно и хаус звук.

Според најавите, првиот настан ќе вклучува 6 диџеи, од кои двајца се глобално високо рангирани имиња, што дополнително ја зголемува возбудата кај љубителите на електронската музика. Ова ќе биде само почеток на новата продукција, која во иднина планира секој голем евент да содржи од 6 до 8 диџеи, со 2 до 3 странски артисти и силна поддршка од локални изведувачи.

Организаторите очекуваат првиот евент да привлече околу 5.000 посетители, а како дополнителен бонус за публиката, првите 500 продадени билети ќе добијат 20% попуст во 6 локални бизниси, со што директно ќе се поддржи локалната економија.

Покрај настаните, Митровиќ и Колев најавуваат и активна медиумска содржина — снимање влогови на YouTube од зад сцената, ексклузивни моменти од организацијата, како и старт на сопствен музички подкаст во блиска иднина.

Во следната фаза од проектот, Aura Dominion Records ќе се насочи кон организација на големи open-air фестивали, летни музички спектакли и масовни настани под отворено небо, со амбиција да донесе светски фестивалски дух во регионот. Во план се и големи арена настани со илјадници посетители, современа продукција и имиња од светската електронска сцена.

Со ваков концепт, Aura Dominion Records најавува ново ниво на електронската сцена и сериозен проект со долгорочна визија.