Рускиот супермодел Наталија Водјанова објави бременост на 44 години – нејзино шесто дете, а трето со францускиот бизнисмен Антоан Арно, наследник на луксузната империја LVMH. Веста дојде преку насловната страница на Vogue Франција, во син мини-фустан – без претходна најава, без објави на социјалните мрежи. Класичниот стил на семејството Арно.

Водјанова стана мајка прв пат на 19 години, со синот Лукас, од врската со британскиот аристократ Џастин Портман. Со него ги добила и втората ќерка Нева (2006) и третиот син Виктор (2007). По разводот во 2011, се појавила со Антоан Арно, со кого добила два сина: Максим (2014) и Роман (2016). Свадбата била во Париз во септември 2020.

Последниот пат јавно се појавила на 10-ти март на ревијата на Луј Витон во Париз, без знаци за бременоста – што значи дека објавата била внимателно и долго сокривана. Не е необично за семејство кое управува со најголемиот европски моден бренд, каде секоја вест е претходно тестирана за пазарен ефект.

Што е поинтересно од самата бременост: на 44 години со шесто дете, Водјанова влегува во категорија која дури и за бизнис класата е реткост. Семејството Арно очигледно гради династија по класичен европски модел – со повеќе наследници, поделба на одговорностите, и помалку драма за тоа кој ќе го преземе LVMH. Бернард Арно, нејзиниот свекор, веќе има пет деца со деловни функции во групата. Сега и неговите внуци доаѓаат.