Со поместување на часовниците еден час наназад, од 3 часот на 2 часот наутро, вечерва (сабота кон недела) започнува зимското сметање на времето.

Според владината одлука, летното сметање на времето завршува во недела, на 26 октомври 2025 година.

Иако уште во 2018 година Европската унија предложи да се прекине практиката на двојно менување на времето, до денес не е постигнат заеднички договор меѓу земјите членки.

Неколку европски студии укажуваат дека промената на часовниците напролет и наесен има негативно влијание врз здравјето на луѓето, продуктивноста и економските активности. Поради тоа, во повеќе држави сè почесто се бара постојано задржување на едно време – летно или зимско.

До донесување заедничка одлука во ЕУ, промената на времето продолжува да важи, и оваа ноќ Македонија повторно преминува на зимски режим на сметање на времето.