Лишен од слобода велешанец кој физички нападнал колешка во здравствена установа

Полицијата во Велес го лишила од слобода 31-годишниот М.П. од Велес, по пријава на 55-годишна жена дека билa физички нападната на своето работно место во една здравствена установа во градот, соопшти Секторот за внатрешни работи Велес.

Според пријавата, осомничениот ја заклучил жената во просторијата, кршел предмети, физички ја нападнал, ѝ се заканувал со остар предмет и ја испрскал во очите со средство за чистење.

М.П. е приведен и задржан во полициска станица, а за случајот е известен јавен обвинител. По целосно документирање на настанот, против него ќе биде поднесена соодветна кривична пријава.