Во текот на 2024 година, 65,5% од вкупната потребна енергија во земјава била обезбедена преку увоз, покажуваат податоците на Државниот завод за статистика.

Вкупната енергетска потреба изнесувала 2.541.849 тони нафтени еквиваленти , при што најголем дел отпаѓа на нафтените деривати (44,7%) и цврстите горива (24,9%).

Домашното бруто-примарно производство бележи пад од 10,6% во однос на 2023 година, достигнувајќи 842.142 тони.
Најголем пад е забележан кај лигнитот (–20,9%) и хидроенергијата (–15,8%), додека соларната енергија доживеала нагло зголемување од 140%.

Според статистиката, финалната енергетска потрошувачка во земјава изнесува 1.859.697 тони, а најголем потрошувач е сообраќајниот сектор (47,6%), по кој следат домаќинствата (26,1%), индустријата (16,9%) и останатите сектори (8,4%).

Учеството на обновливите извори во бруто-производството на електрична енергија изнесува 39,4%, а во вкупната домашна потрошувачка – 35,4%. Потрошувачката на електрична енергија во домаќинствата во просек изнесува 1.727 киловат-часови по жител годишно.