Околу 130.000 жители на Сан Франциско останаа без електрична енергија во саботата навечер поради масовен прекин на струјата, соопшти главната електроенергетска компанија во градот, „Пацифик Гас енд Електрик“, пренесува „Њујорк пост“.

Од компанијата информираа дека се работи на отстранување на дефектот и дека се во координација со службите за итни интервенции и градските власти. Прекинот на струја предизвика сериозни нарушувања во секојдневното функционирање на градот.

Општинските власти ги повикаа граѓаните да останат во своите домови, бидејќи дел од семафорите не функционираат, а јавниот превоз е привремено во прекин, што создава ризик од сообраќаен хаос.

Засега нема официјални информации кога електричната енергија ќе биде целосно вратена во сите погодени населби.

https://x.com/nypost/status/2002597852837552563?ref_src=twsrc%5Etfw%7Ctwcamp%5Etweetembed%7Ctwterm%5E2002597852837552563%7Ctwgr%5E57347c8c5269ecbf6b265af175cd13eedc63cab6%7Ctwcon%5Es1_c10&ref_url=https%3A%2F%2Fwww.slobodenpecat.mk%2Fsan-francisko-potona-vo-mrak-130-000-zhiteli-bez-struja%2F