Најниска температура од минус 8 степени Целзиусови утринава е измерена во Берово, а речиси секаде во земјава се измерени минусни температури со исклучок на Попова Шапка каде живата во термометарот покажуваше 0 степени.

Температура од минус 6 степени е измерена во Скопје-Петровец, а студено со минус 5 степени беше во Струмица, Битола, Крива Паланка, Штип, Прилеп и Демир Капија, информира Управата за хидрометеоролошки работи (УХМР).

Според УХМР, денеска ќе биде сончево со мала до умерена локална облачност. Ќе дува засилен до повремено силен ветер од северен правец со брзина од над 60 километри на час. Максималната температура ќе биде во интервал од 4 до 10 степени Церлзиусови. Во Скопје ќе биде сончево со мала облачност. Ќе дува умерен, во делови од котлината повремено засилен ветер од северен правец. Максималната температура ќе достигне до 7 степени Целзиусови.