Автобус со македонски регистарски таблички ноќта зад нас целосно излетал од коловозот на автопат во Србија, во близина на местото Добановци, јавуваат српските медиуми. Несреќата се случила во услови на значително влошена временска состојба, откако речиси целата територија на Србија од вчера е зафатена со обилни снежни врнежи.

Според првичните информации, на местото на несреќата застанал возач на друг автобус со цел да им помогне на патниците и екипажот. Засега нема официјални информации за евентуално повредени лица, ниту за причините поради кои автобусот излетал од патот.

Надлежните служби извршиле увид, а сообраќајот на оваа делница се одвивал отежнато поради снегот и интервенцијата на службите. Повеќе детали се очекуваат по завршување на истрагата.