Македонскиот адвокат Тони Менкиноски соопшти дека бугарските власти му изречиле забрана за влез во Бугарија во траење од 10 години. Менкиноски е познат по тоа што ги застапува Македонците во Бугарија пред Европскиот суд за човекови права во Стразбур.

Самиот адвокат ја оценува одлуката како „скандалозна” и тврди дека претставува директен притисок поврзан со неговата работа. „Одлуката на бугарските власти е притисок поради мојата работа на правен застапник на Македонците”, соопшти Менкиноски, додавајќи дека Софија „сака да го замолчи” неговото застапување на правата на македонската заедница. Адвокатот ги застапува Македонците во правни постапки пред Европскиот суд за човекови права и тврди дека токму таа работа е причина за забраната.

Менкиноски најавил одржување на прес-конференција на која ќе ги детализира сите околности на одлуката.

Случајот предизвика широка реакција во земјата. Претставникот на владата за правни прашања Кекеновски изjавил дека забраната за влез на адвокат кој ги застапува Македонците претставува „опасен преседан за владеењето на правото”. Одлуката се согледува во контекст на пошироките напнатости помеѓу Македонија и Бугарија, кои веќе со години влијаат негативно и на европскиот пат на земјата.