Просторот околу скопското Кале добива нов урбанистички план кој наместо хотелски комплекси предвидува паркови, спортски објекти, велосипедски патеки и пешачки поврзувања.

Советот на Општина Центар ги усвои детални урбанистички планови за градска четврт „Кале и СРЦ Кале” и градска четврт „Француски гробишта, Тетовска чаршија и Парк 2″. Ова е првата детална урбанистичка документација за подрачјето на Калето, наменета за регулирање на пристапот, движењето и користењето на земјиштето.

Највидлива промена е давањето приоритет на јавниот интерес пред агресивниот градежен развој. Планот вклучува спортски објект на државно земјиште во близина на кејот со површина од 9.295 квадратни метри, парковско зеленило, јавни содржини и паркинг. Приватното земјиште под Калето задржува можности за хотели, но со намалени ограничувања на висината.

Планот предвидува нови велосипедски патеки на улиците „Самолова” и „Лазар Личеноски”, поврзани со патеката покрај Вардар, пошироки пешачки патеки и нови дрвја. Се овозможуваат и изложби на отворено, третирајќи го Калето не само како градежно место, туку како културно-историски споменик.