Од вторник до петок наутро, Македонија ќе биде под влијание на зимски циклонски систем со центар над Јонското Море, најавува метеоролошката служба.

Ладниот циклон ќе предизвика зголемена облачност и повремени локални врнежи од дожд, кои на моменти може да бидат поинтензивни. Ќе дува југоисточен ветер, на моменти засилен, додека во западните делови ќе доминира североисточен ветер.

На повисоките планински предели можни се врнежи од снег во текот на периодот.

Граѓаните се советуваат да ги следат метеоролошките предупредувања на MeteoAlarm за детални прогнози и евентуални тревоги.