Граѓаните на Македонија во просек живеат 76,6 години, што е речиси пет години помалку од просекот во Европската унија каде животниот век изнесува 81,5 години, покажуваат најновите податоци на Евростат.

Жените во Македонија живеат во просек 78,86 години, додека мажите достигнуваат 74,48 години – разлика од 4,4 години. Во ЕУ оваа разлика е поголема и изнесува 5,2 години, при што жените просечно живеат 84,1, а мажите 78,9 години.

Регионалните разлики во ЕУ се значајни. Мадридскиот регион во Шпанија има највисок очекуван животен век од 85,7 години, додека Северозападна Бугарија е на дното со 73,9 години.

Латвија ја има најголемата разлика меѓу половите – 9,8 години, додека Холандија најмалата со само 2,8 години.

Податоците на Државниот завод за статистика покажуваат дека животниот век во Македонија е зголемен за 1,3 години во споредба со претходниот период, што претставува позитивен тренд иако заостанувањето зад ЕУ останува значително.