Првата дама на САД Меланија Трамп предизвика дипломатски инцидент откако во говор за време на самит во Вашингтон го употреби името „Македонија” наместо „Северна Македонија”. Грчката амбасада во Вашингтон експресно реагираше.

На настанот присуствуваше и Рози Мицкоска, сопруга на лидерот на ВМРО-ДПМНЕ Христијан Мицкоски. Според грчката дипломатска мисија, станува збор за „корективна мерка” заради почитување на правните обврски утврдени со Преспанскиот договор од 2019 година.

Грчката позиција е дека „терминот Македонија се однесува исклучиво на историскиот и географски регион во Грција” и дека неговата употреба за суверена држава создава чувствителни дипломатски недоразбирања. Амбасадата појасни дека контактот со американските институции има за цел да обезбеди идните официјални записи да го користат „точниот назив”.

Грчките дипломати предупредуваат дека игнорирањето на договореното име претставува прекршување на меѓународното право и потенцијално го загрозува перцепирањето на грчкиот културен идентитет.