Граѓанската иницијатива „Стоп за Усје” поднесе сопствен предлог за А-интегрирана дозвола за Цементарница Усје до Министерството за животна средина и просторно планирање.

Предлогот е изработен во согласност со европските регулативи за цементната индустрија и препораките на СЗО за граници на загадување. „Овој документ е резултат на заедничка работа на граѓани, еко-активисти и експерти, со цел компанијата да ги имплементира највисоките стандарди и да работи како модерна, еколошка цементарница”, соопшти иницијативата.

Компанијата ТИТАН Усје поднесе барање за обнова на А-интегрирана дозвола на 11 март. Министерството сеуште не ја објавила дозволата во стандардниот рок од 7 дена, што дозволува процесот да се продолжи до 45-50 дена.

Иницијативата нагласи дека грижата за здравјето на децата и граѓаните лежи кај институциите и дека одлуките за квалитетот на воздухот за наредните седум години се директна одговорност на Министерството. По објавувањето на дозволата ќе следи јавна расправа на која иницијативата планира активно учество.