Македонија и САД на 7 април ќе одржат сесија од стратешкиот дијалог во Вашингтон, најави министерот за надворешни работи Тимчо Муцунски. Македонија ќе биде прва земја во Европа која во мандатот на новата американска администрација ќе одржи ваков дијалог.

Македонската делегација ќе ја предводи Муцунски, а во неа ќе бидат и министрите за внатрешни работи Панче Тошковски, за одбрана Владо Мисајловски, за дигитална трансформација Стефан Андоновски и за енергетика Сања Божиновска.

Од американска страна, домаќин ќе биде заменик-државниот секретар Кристофер Ландау. Стратешкиот дијалог опфаќа теми од безбедноста и одбраната, енергетиката, економијата и инвестициите, како и владеењето на правото и геополитиката.

Овој механизам на високо ниво е воспоставен во 2022 година и претставува рамка за долгорочна стратешка соработка помеѓу двете земји.