Македонија се подготвува за важен момент во билатералните односи со САД – стратешки дијалог закажан за 7 април во Вашингтон, каде делегацијата ќе ја предводи министерот за надворешни работи Тимчо Муцунски.

Средбата се оценува како тест за политичката зрелост на земјата пред стратешкиот партнер. Македонија ќе биде прва земја во Европа која ќе има сесија на стратешки дијалог со Вашингтон во овој формат.

Дијалогот ќе опфати прашања од безбедноста, одбраната и евроатлантските интеграции, во контекст на заострената геополитичка ситуација на глобално ниво. Од успехот на овие разговори ќе зависи понатамошното продлабочување на партнерството.

Стратешкиот дијалог доаѓа во период кога Македонија настојува да ја зајакне својата позиција во НАТО и да го забрза патот кон ЕУ, а поддршката на Вашингтон останува клучна за двата процеси.