Седумнаесетгодишник од Пескара е уапсен во Перуџа, во италијанскиот регион Умбрија, поради наводно планирање масакр во училиште. Седум малолетници се под истражни мерки на полицијата.

Осомничениот се соочува со обвиненија за пропаганда и поттикнување на кривични дела засновани на расна, етничка и верска дискриминација, заедно со планирање напад инспириран од масакрот во училиштето Колумбајн во 1999 година во Колорадо, каде загинаа 12 ученици и еден наставник.

Истражителите пронајдоа прирачници со детални упатства за производство на оружје, инструкции за опасни хемиски и биолошки супстанции и водичи за саботажа. Полицијата откри и поврзаност на малолетниците со неонацистичка група на Телеграм која промовирала белосупремацизам и ги глорифицирала масовните убијци Брентон Тарант и Андерс Брејвик.

Уапсениот тинејџер е сместен во малолетнички притвор по наредба на судија. Случајот предизвика внимание поради сличностите со претходни напади на училишта во Европа и светот.